Околу 30 помали потреси се регистрирани во текот на вчерашниот ден и ноќта во Загреб, по земјотресот со интензитет од 5,3 степени според Рихтеровата скала кој ја потресе хрватската престолнина.
Состојбата на 15-годишното девојче што беше повредено е непроменета и тоа се бори за живот.
Сеизмологот Крешимир Кука изјави за Хрватското радио дека секундарните потреси ќе траат со недели и месеци.
Земјотрес со интензитет од 5,3 степени вчера утрото беше регистриран во Загреб, а беше проследен со уште еден потрес со јачина од пет степени, објави Европско-медитеранскиот сеизмолошки центар. Епицентарот на земјотресот беше на седум километри северно од Загреб, на длабочина од десет километри и предизвика материјална штета.