Претседателот на Алијансата за Албанците, Зијадин Села, реагираше на социјалната мрежа Твитер по објавувањето на прелиминарните наоди за парламентарните избори на 15 јули на ОБСЕ-ОДИХР.
Села вели дека го поздравува овој извештај со кој се потврдува организирано купување гласови и притисокот врз гласачите од страна на ДУИ на разни избирачки места во Кичево, Сарај и Зајас. Тој потенцира дека Коалицијата „Сега е време“ забележала многу други случаи на кршење на изборното законодавство и дека тие ги документираат и подготвуваат приговори.
Села ги повикува државните институции да ја завршат својата работа и да обезбедат зачувување на волјата на граѓаните. Тој потенцира дека поддршката на меѓународните партнери, особено на ЕУ и САД, е од суштинско значење за да се обезбеди соодветна истрага за сомнителните случаи на изборна измама.
Претседателот на Алијансата за Албанците ја заклучува својата реакција потенцирајќи дека украдените избори нема да бидат прифатени.