Политичката партија на власт од албанскиот блок постојано прави притисоци последните денови, изјави лидерот на Алијансата за Албанците
Лидерот на Алијанса за Албанците, Зијадин Села, го оствари гласачкото право во своето родно место, струшкото село Ливада.
Во изјавата по гласањето, Села истакна дека политичката партија на власт од албанскиот блок врши притисоци врз гласачите, но и се обидува да прикрие нерегуларности во изборниот процес.
„Политичката партија на власт од албанскиот блок постојано прави притисоци последните денови. Информирани сте и за многу нерегуларности, уцени, поткуп… И денеска се обидуваат во некои избирачки места да направат проблеми. Имаше еден инцидент, ме информираа во Велешта, треба да го прашате командирот на полициската станица во Струга да го пријави инцидентот, а не да го крие. Но, секогаш велам, кога народот сака промена, никој не може да го спречи. Промената ќе дојде и граѓаните ќе бидат слободни“,
рече Села.