Бројот на повредени во експлиозијата на плинска боца во селото Романовце, во која загинаа три лица, е седумина иако првичните информации говореа за шест повредени. Сите се донесени на клиниките во Скопје.
Четворица од нив се во животозагрозувачка состојба.
Станува збор за две жени кои се во критична состојба се на КАРИЛ и се со изгореници од трет и четврт степен.
Уште еден пациент кој е во животнозагрозувачка состојба е маж на возраст од околу 60 години и тој е сместен на Пластична хирургија. Таму има уште еден повреден, но тој не е во критична состојба.
На Универзитетската клиника по хируршки болести „Свети Наум Охридски“ – Скопје (старата Градска болница), се донесени тројца повредени во несреќата, од кои една жена е во животозагрозувачка состојба и со изгореници од трет степен. Пациентката има околу 40 години, сместена е во одделот за интензивна нега и е интубирана на респираторна машина.
Другите двајца пациенти се помлада бремена жена и дете на возраст од околу десет години, но тие се со помал степен на изгореници и не се во критична состојба.
Повредените попладнево ги посети и министерот за здравство, Венко Филипче.
*Поврзани вести:
Утврден идентитетот на трите деца што загинаа во експлозија на плинска боца во Романовце
Експлозија на плинска боца во кумановско Романовце: Тројца мртви, шестмина повредени
Први фотографии од местото на трагедијата во кумановско Романовце