Лидерите истакнале дека секој понатамошен упад во Украина ќе резултира со долготрајна криза за Русија, со далекусежна штета и за Русија и за светот
Британскиот премиер Борис Џонсон и американскиот претседател Џо Бајден денеска се согласија дека постои клучен прозорец за дипломатија и шанса Русија да се повлече и да избегне катастрофа во Украина, соопшти кабинетот на Џонсон по телефонскиот разговор меѓу лидерите.
„Тие се согласија дека останува клучен прозорец за дипломатијата и Русија да се повлече од заканите кон Украина. Лидерите истакнаа дека секој понатамошен упад во Украина ќе резултира со долготрајна криза за Русија, со далекусежна штета и за Русија и за светот“,
рече портпаролот на Даунинг стрит во изјавата по разговорот.
Британскиот премиер и американскиот претседател разговараа вечерва среде стравувањата дека 130 илјади војници на Владимир Путин можат да ја нападнат Украина.