Речиси 99 отсто од повиците на единствениот број за итни случаи 112 во текот на последното деноноќие биле барања за записници за претрпена материјална штета
Полека се нормализира ситуацијата во Скопје и Тетово по невремето што ги зафати двата града во неделата попладне, информираат регионалните Центри за управување со кризи (РЦУК).
Речиси 99 отсто од повиците на единствениот број за итни случаи 112 во текот на последното деноноќие, како што информира ЦУК, биле барања за записници за претрпена материјална штета. Тие ќе бидат испратени до надлежните во општините, а потоа до владина комисија за понатамошно постапување.
Скопје и Тетово во неделата попладне беа зафатени од силно невреме. Како последица на невремето до ЦУК стигнаа голем број пријави од граѓани за поплавени куќи и подруми, паднати дрвја, оштетени автомобили.