Во петокот во зградата во која е сместен кабинетот на претседателот на Србија, Александар Вучиќ, се случи инцидент, кој за малку можеше да прерасне во физичка пресметка, откако делегација на партијата на Вук Јеремиќ, предводена од него, побара прием кај Вучиќ, кој претходно ги повикал да дојдат и да ги одмерат силите со него.
„Њузмакс Адрија“ објави снимка од конфронтацијата на српскиот претседател со опозициските политичари.
На почетокот на снимката Јеремиќ му вели на Вучиќ дека е крадец, предавник и кукавица, а потоа го повикува на физичка пресметка.
Јеремиќ: Излези. Дали сакаш да излеземе заедно?
Вучиќ: Ајде да излеземе! Ајде!
Вучиќ: Сакаш тука напред да излеземе?
Јеремиќ: Ти си претседател! Ајде! Дали сакаш да излезам?
Вучиќ: Каде сакате! Каде сакате!
Во тој момент обезбедувањето го предупредува Вучиќ дека не е паметно да излегуваат надвор затоа што сè се емитуваа во живо. Во исто време Јеремиќ дофрлува „Ајде, Ајде“.
„Сакаат да ме линчувате, девојчиња. Сакаш да ме линчуваш, девојко една! Не смеете да ме линчувате, девојко една“,
рече Вучиќ кон крајот на снимката.