Министерот Османи не можеше да каже кога ќе биде точниот датум, бидејќи иако било најавено за средината за следната недела, можно е тоа да се случи и до крајот на неделата, а се зависи од од процесот на идентификација
Министерот за надворешни работи, Бујар Османи, денеска ќе контактира со семејствата на загинатите во автобуската несреќа што се случи во Бугарија, за да може нивните очекувања да бидат вметнатии во планот што во МНР се подготвува за преесување на посмртните останки на трагично загинатите 45 лица.
„Денеска планирам да контактирам со семејствата бидејќи сакам да знам кои се нивните очекувања по однос на пренесувањето на телата и процедурите понатаму, за да можеме да го направиме овој акциски план“,
изјави Османи.
Тој не можеше да каже кога ќе биде точниот датум, бидејќи иако било најавено за средината за следната недела, можно е тоа да се случи и до крајот на неделата, а се зависи од од процесот на идентификација.
ДНК-профилите за идентификацијата на жртвите во тешката автобуска несреќа во Бугарија, заедно со записници за испитување на осум сведоци, како и целокупната документација за автобусот од компанијата „Беса Транс“ и Министерството за транспорт и врски, вчера се предадени на бугарските обвинители, од страна на Јавното обвинителство на Република Северна Македонија.