„На панаѓурот во Куршумлија излета дел од конструкцијата на рингишпил, а во таа пригода едно дете се здобило со тешки и неколку со полесни повреди“, потврдуваат од Здравствениот дом
Неколку лица се повредени при уривање на конструкција на рингишпил во Куршумлија во Србија, пренесуваат српските медиуми.
Како што пренесува српски „Блиц“, едно 13-годишно девојче се здобило со потешки повреди и неколкупати било реанимирано, а други две исто така се здобиле со потешки повреди.
Несреќата се случила во 13:30 часот, кога се откачил дел од конструкцијата на рингишпил, кој била поставен на платото кај автобуската станица во Куршумлија. Според информациите, три деца се во Здравствениот дом во Куршумлија, седум во Прокупље, а едно дете е пренесено во болница во Ниш.
„На панаѓурот во Куршумлија излета дел од конструкцијата на вртелешката, а во таа пригода едно дете се здобило со тешки и неколку со полесни повреди“,
потврдува директорката на Здравствениот дом, Уранија Петровиќ.
Таа вели дека ничиј живот не е во опасност, а повредените се згрижени во оваа установа.
Според портпаролот на Клиничкиот центар во Ниш, како што пренесува српскиот портал „Н1“, едно девојче со потешки повреди и во бессознание со возило на Брза помош било испратено во Ниш. „Н1“ пренесува дека и уште едно дете е на пат кон Клиничкиот центар во Ниш.
Од српското Министерство за внатрешни работи нема точна бројка колку лица се повредени.