Интернет-страницата на Министерството за здравство сѐ уште не функционира.
Оттаму информираат дека станува збор за хакерски напад, а не функционираат и службените мејлови на вработените.
„Во моментов се истражува што точно се случило, како и за колку време ќе се реши проблемот за што дополнително ќе информираме. Нашата комуникација со медиумите ќе се одвива преку привремената е-адреса: przdravstvo2020@gmail.com“,
се вели во соопштението на Министерството за здравство.
Освен на Министерството за здравство, „падната“ е интернет-страницата и на Министерството за образование и наука, но засега оттаму нема информации што се случило.