Присуството на Драги Рашковски на првиот академски час на Правниот факултет, според министерот за правда Никола Тупанчевски, не е спорно со образложение дека сè додека за некој случај нема правосилна судска одлука секој треба да има достоинствен пристап.
„Станува збор за мои колеги кои, во различен временски период, биле составен дел од извршната власт. Факт е дека треба да се има спрема секого достоинствен пристап. Единствен критериум за осуда, било каква, е после правосилна судска пресуда. Тогаш би можеле да коментираме за состојбите затоа што само на таков начин може да зборуваме за форматирање на нечија одговорност“,
одговори Тупанчевски на новинарско прашање по завршувањето на првиот академски час на Правниот факултет.