Потврдата на автентичноста на снимката од страна на ВМРО-ДПМНЕ е потврда на лагите на Христијан Мицкоски – тој се среќавал со Орце Камчев тајно, се среќавал со Зоран Милевски Кичеец и соработувал со нив, се вели во реакцијата на владејачкиот СДСМ на денеска објавената аудиоснимка која упатува на средби на опозицискиот лидер со бизнисменот Камчев – пред откривањето на аферата „Рекет“.
„Мицкоски денеска призна дека одел на контрола кај докторот за финансиски криминал и тајкун на ВМРО-ДПМНЕ Орце Камчев. Откако неговата директна поврзаност со Камчев излезе на виделина, останува Мицкоски да излезе и да каже за неговата евентуална вмешаност во случајот познат како ‘Рекет’“,
се вели во писмената реакција.