Интензивната употреба на ирански дронови против украинските сили и население, според Вашингтон, е сериозен сигнал дека Москва и Техеран планираат натамошно интензивирање на воената соработка.
„Имаме извештаи дека двете земји размислуваат за заедничко производство на смртоносни дронови. Стравуваме дека Русија има намера да му обезбеди на Иран напредни воени компоненти, вклучувајќи хеликоптери и системи за противвоздушна одбрана“,
изјави Џон Кирби, портпаролот на Советот за национална безбедност на САД.
Според него партнерството меѓу Иран и Русија за производство на беспилотни летала ќе биде штетно за Украина, соседите на Иран, но и за и целата меѓународна заедница.
„Иран стана главен воен поддржувач на Русија. Москва користи ирански беспилотни летала за да ја нападне енергетската инфраструктура, лишувајќи милиони Украинци од електрична енергија, топлина, критични услуги. Луѓето во Украина денес всушност умираат како резултат на акциите на Иран“,
вели Кирби.
Во изминатите два месеца се интензивираа руските напади врз цели во Украини со беспилотни летала за кои се утврди дека всушност се дронови произведени во Иран.