САД по шести пат ги гаѓаа позициите на јеменските Хути во Јемен

Американскиот претседател Џо Бајден, пред два дена, призна дека нападите врз позициите на Хутите, во кои се вклучени американските и британските воздушни сили, сè уште не ги спречиле Хутите и натаму да напаѓаат трговски бродови во Црвеното Море, клучен воден пат за светската трговија

Американски воени авиони ги гаѓаа позициите на бунтовниците Хути во Јемен и уништија противбродски ракетни фрлачи што беа подготвени за лансирање ракети, изјави американски официјален претставник. Официјалниот претставник кажа дека нападите, биле извршени вчера со авиони кои полетале од американскиот носач на авиони „Двајт Ајзенхауер“.

Нов напад во Аденскиот Залив, дрон погодил брод на кој избувнал пожар

Сателитскиот информативен канал „Ал Масира“ со кој управуваат Хутите вчера објави дека биле извршени воздушни напади врз пристанишниот град Ходеида, а на мета била населбата Ал Џабана во западниот дел на градот. Се уште не е соопштено кои биле целите на овие последни американски напади.

Американскиот претседател Џо Бајден, пред два дена, призна дека нападите врз позициите на Хутите, во кои се вклучени американските и британските воздушни сили, сè уште не ги спречиле Хутите и натаму да напаѓаат трговски бродови во Црвеното Море, клучен воден пат за светската трговија.

Бајден: Американските напади врз јеменските хути не ги запреа нивните акции во Црвеното Море

Хутите тврдат дека цел на нивните напади врз американски и израелски бродови е да се запре израелската војна против Хамас во Појасот Газа.