Бројот на заразени со коронавирус во САД ја надмина бројката на заболени во Кина, Италија и Шпанија, кои беа најпогодени во пандемијата.
Во САД за еден ден се регистрирани речи си 14 000 заразени, а вкупниот број изнесува 85 594, од кои 1 300 починаа, а во критична состојба се повеќе од 2 000 пациенти.
Во Лос Анџелес се забележани над 400 нови случаи, а деветмина починаа. Во градот за сместување на пациентите е подготвен и Конгресниот центар, како еден од најголемите болнички приватни центри на 67 000 квадратни метри.
Во последните 24 часа бројот на новозаразени лица во светот се искачи на 532 912, а починаа 24 093. Од почетокот на пандемијата досега оздравеа 124 380 лица.
Статистиката во врска со новиот вирус постојано се менува и може да се следи на „Ворлд о метерс“.