Кина, како земја претседавач со СБ во мај, како и привремените членки Норвешка и Тунис, по вчерашниот трет состанок на Советот за безбедност, покрена нова иницијатива за заеднички чекор
Соединетите Американски Држави (САД) уште еднаш спречија Советот за безбедност на Обединетите нации да издадат заедничка изјава во врска со израелско-палестинската криза, пренесува Н1 повикувајќи се на агенцијата Анадолија.
Кина, како земја претседавач со СБ во мај, како и привремените членки Норвешка и Тунис, по вчерашниот трет состанок на Советот за безбедност, покрена нова иницијатива за заеднички чекор. Советот за безбедност на ООН сакаше да издаде заедничко соопштение во кое се повикува на смирување на тензиите меѓу Израел и Палестина.
Во изјавата се изразува и загриженост за израелските воздушни напади врз Газа, цивилните жртви и протерувањето на палестинските семејства од нивните домови.
Според дипломатски извори, Соединетите држави спречиле Советот за безбедност да направи чекор во оваа насока.
Американски официјални лица велат дека заедничката изјава на Советот за безбедност на ООН нема да помогне во решавањето на сегашната криза, додавајќи дека тие продолжуваат со „интензивните дипломатски напори“ за решавање на ситуацијата.