Меѓу санкционираните, како што пренесува регионалниот сервис на Радио Слободна Европа, е и руската компанија „Басире Груп“ со седиште во Белград. Компанијата е основана во февруари 2023 година и се занимава со трговија на големо со компјутери, компјутерска опрема и софтвер
Соединетите Американски Држави (САД) ставија под санкции повеќе од 300 нови субјекти и луѓе „чии производи и услуги ѝ овозможуваат на Русија да ги одржи своите воени напори и да ги избегне санкциите“, објави американското Министерство за финансии.
Во соопштението се вели дека листата на санкции вклучува десетици компании со седишта во Кина, како и ентитети во Русија и други земји, вклучувајќи ги Турција и Обединетите Арапски Емирати.
„Денешната одлука влијае на нивните преостанати рути за меѓународни материјали и опрема, вклучително и нивното потпирање на критичните набавки од трети земји. Ќе продолжиме да ги користиме сите алатки за да ја попречиме руската употреба на меѓународниот финансиски систем за да ја води војната, да ги попречиме мрежите за поддршка на руската воено-индустриска база и да ги зголемиме трошоците за Русија“,
рече секретарот за финансии, Џенет Јелен.
Меѓу санкционираните, како што пренесува регионалниот сервис на Радио Слободна Европа, е и руската компанија „Басире Груп“ со седиште во Белград. Компанијата е основана во февруари 2023 година и се занимава со трговија на големо со компјутери, компјутерска опрема и софтвер.
Од почетокот на руската инвазија на Украина, САД ставија под санцкии повеќе од 4 000 руски субјекти и поединци.