Повикот на Русковска доаѓа по денешниот брифинг со новинари што го одржа Муареми, а на кој најави дека ќе поднесе кривични пријави против Русковска и обвинителките Ивана Трајчева и Елизабета Јосифовска, по претресот во просториите на Управата за финансиска полиција
„Токму поради овој атак и притисок врз обвинители на ОЈО ГОКК треба и меѓународните институции како и амбасадите на САД на ЕУ сериозно да преземат мерки, затоа што ова најмалку доликува на земја-членка на НАТО и земја што почнала преговори за ЕУ каде владеењето на правото е императив!“, вели Русковска
Вилма Русковска, шефицата на Обвинителство за гонење на организиран криминал и корупција (ОЈО ГОКК), вечерва ги повика институциите, но и странските амбасади, Делегацијата на Европската Унија, како и европската обвинителка Лаура Ковеси да реагираат по, како што вели, притисокот врз неа и обвинителството од директорот на Управата за финансиска полиција, Арафат Муареми.
Ваквиот повик на Русковска доаѓа по денешниот брифинг со новинари што го одржа Муареми, а на кој најави дека ќе поднесе кривични пријави против Русковска и обвинителките Ивана Трајчева и Елизабета Јосифовска, по претресот во просториите на Управата.
„Ги повикувам сите надлежни институции во државата, меѓутоа и сите мегународни институции и амбасади, пред сè амбасадата на САД и канцеларијата на ЕУ, еднаш засекогаш да ги проверат сите факти и да се расчисти – кој во оваа држава се бори против криминалот, а кој го прави криминалот. Исто така, ја замолувам и европската обвинителка Лаура Ковеси, ако е во можност, да дојде и да ги провери сите предмети на Обвинителството за гонење организиран криминал и корупција, откако јас сум на чело на Обвинителството, со посебен осврт на предметите за Рашковски, Зеќири и овој најновиот, за Муареми“,
пишува Русковска.
Русковска порачува дека ако Владата сака вистинска правна држава, вистината мора да излезе на виделина.
„Згрозувачки е овој притисок врз обвинители на ОЈО ГОКК од страна на именувано лице од Владата, Арафат Муареми, како и мешањето во предмет на ОЈО ГОКК кое е стриктно забрането, согласно Законот за јавно обвинителство. Ако Владата сака државата да биде вистинска правна држава, а не правна држава прикажана преку ПР преку медиумите, вистината мора да излезе на виделина!“,
вели таа.
Русковска посочува дека се напаѓаат обвинители кои ги воделе случаите против Катица Јанева, Фросина Ременски, Драги Рашковски и Мухамед Зеќири, а во исто време водат и повеќе предистраги за актуелни и поранешни високи владини функционери.
„Токму поради овој атак и притисок врз обвинители на ОЈО ГОКК треба и меѓународните институции како
вели Русковска.
и амбасадите на САД на ЕУ сериозно да преземат мерки, затоа што ова најмалку доликува на земја-членка на НАТО и земја што почнала преговори за ЕУ каде владеењето на правото е императив! Македонија ниту е диктатура, ниту е монархија, во Македонија не смее да владее волјата на некои сегашни или пак поранешни владини функционери, за обвинители да замижуваат пред кој било криминал, па тој и да е и во највисоките ешалони на власта“,
Шефицата на Обвинителство за гонење на организиран криминал и корупција вели дека е подготвена да објави информации од предистрагата за Муареми за, како што вели, јавноста да суди. Додава дека никогаш нема две вистини, туку само една.
„Во периодот што следува сум подготвена со јавноста да ги споделам информациите кои ОЈО ГОКК ги има и ќе ги обезбеди за лицето за кое се проверува постапувањето, Арафат Муареми (сè уште директор на Финансова полиција), па јавноста нека суди кој е криминалец, а кој се бори против криминалот“,
вели таа.
Русковска напиша и дека таа е обвинител повеќе од 34 години и дека нема да дозволи лице за кое се проверува постапувањето да ѝ го валка образот и честа.
„Честа, угледот, поштењето, ги имам научено од мала возраст од моите родители кои и двајцата се бореле со фашистите за денешна слободна и независна Македонија. Татко ми беше потполковник на дивизија во НОВ, закопан со бугарски куршум. Мајка ми партизанка која лежела во бугарски затвор и која се борела и на Сремскиот фронт“,
напиша таа.
Претресот во Управата за финансиска полиција беше извршен на 18 јули. Тогаш од Обвинителството за гонење организиран криминал и корупција, со кое раководи Русковска, само кратко потврдија дека вршат претрес и оти станува збор за предмет оформен по пријава од граѓани.
Од Управата, пак, уште тогаш го квалификуваа претресот како непотребен и незаконски и обвинија дека станува збор за намерно инсценирани и неосновани напади кон нив кои доаѓаат од еден ист центар. Поднесоа и претставка до државниот обвинител за постапувањето на истражителите и обвинителите, како и до судијата на претходна постапка од Основниот кривичен суд Скопје кој ја издал наредбата за претрес врз основа на барањето на обвинителството.
По претставката, обвинители извршија надзор по што од кабинетот на државниот обвинител Љубомир Јовески излегоа со соопштение во кое наведоа пропусти во постапувањето.
Обвинителката, пак, го оспори извештајот велејќи дека државниот обвинител нема право да се меша во постапувањето по конкретен премер, а за тоа дали имало основи за издавање наредба за претрес одлучува судот, а не обвинителот.