Во видеото објавено на Телеграм, лидерот на ЛДПР, Леонид Слуцки, стоејќи на сцената до Бут, рече дека сака да му се заблагодари „за одлуката што ја донесе“ и му посака добредојде во „најдобрата политичка партија во денешна Русија“
Виктор Боут, рускиот трговец со оружје, кој беше ослободен во четвртокот по 14 години во американски притвор како дел од размената за американската кошаркарка Бритни Гринер, се приклучи на руската ултранационалистичка Либерално-демократска партија (ЛДПР), објави нејзиниот лидер во понеделникот.
Во видеото објавено на Телеграм, лидерот на ЛДПР, Леонид Слуцки, стоејќи на сцената до Бут, рече дека сака да му се заблагодари „за одлуката што ја донесе“ и му посака добредојде во „најдобрата политичка партија во денешна Русија“.
И покрај нејзиното име, ЛДПР се залага за тврдокорна, ултранационалистичка идеологија и освојување на поранешните советски републики од нејзиното основање во 1991 година.
Основана е од Владимир Жириновски, екстремен националист кој ветуваше полициска држава, смртна казна и укинување на демократијата во неговите неуспешни претседателски кампањи. Жириновски почина во април годинава.
Во 1990-тите, ЛДПР се сметаше за сериозен кандидат да ја преземе власта во Русија, но заземаше подредена функција во рускиот политички систем, играјќи ја улогата на номинално опозициска партија, но поддржувајќи го Кремљ за повеќето прашања.