Рускиот гас може да го плаќаме во рубли доколку е тоа потребно, потврди гувернерката на Народната банка

„Сите предуслови се создадени и не гледам дека треба да има некоја пречка за плаќање на начин на којшто е потребно“, рече гувернерката на Народната банка, Анита Ангеловска-Бежоска, која посочи оти не постојат никакви регулаторни пречки за редовна достава и плаќање на гасот

Ако е потребно, можат да се прават трансакции во рубли за плаќање на рускиот природен гас, потврди денеска гувернерката на Народната банка, Анита Ангеловска-Бежоска.

„Сите предуслови се создадени и не гледам дека треба да има некоја пречка за плаќање на начин на којшто е потребно“,

рече Ангеловска-Бежоска во одговор на прашањето на денешната прес-конференција дали домашните институции се подготвени да плаќаат природен гас во руски рубли.

Гувернерката посочи оти воопшто не постојат никакви регулаторни пречки за редовна достава и плаќање на гасот.

„Сè што беше до Централната банка како регулатива веќе е подготвено. Во текот на минатиот месец направена е измена и компаниите кои се увозници на гас немаат никаква пречка во делот на навременото снабдување“,

порача Ангеловска-Бежоска.  

Рускиот енергетски гигант „Газпром“ ја суспендира испораката на природен гас од земјата во Полска и Бугарија откако двете земји одбија да ја плаќаат испораката во руската валута.

„Газпром“ тврди дека го прекинал снабдувањето со гас за Бугарија и Полска

Новиот систем за плаќање на рускиот гас во рубли беше воведен од страна на претседателот на Русија, Владимир Путин, а е наменет за непријателските земји кои воведоа многубројни санкции кон земјата откако таа ја започна воената офанзива во Украина.

На листата на непријателски земји е и Северна Македонија.

Од април руски гас за „непријателските земји“ само во рубли и преку сметки во руски банки