Од кабинетот на шефот на државата, на прашање на „360 степени“, велат дека рускиот амбасадор не бил поканет на традиционалната свеченост поради санкциите што земјава ги има воведено кон Русија поради војната во Украина
На свеченоста не дојде амбасадорот на Бугарија во земјава, Англе Англов, кој неодамна беше повлечен во Софија, на консутлации по инциднетот во Охрид, каде пред една недела беше претепан секретарот на бугарскиот клуб „Цар Борис Трети“, Христијан Пендиков – македонски државјанин кој се декларира како Бугарин. „Од амбасадата на Република Бугарија беше присутен Петар Петров, заменик амбасадорот кој сега е вршител на должност поради отсуството на амбасадорот“, одговорија од кабинетот на Пендаровски на нашите прашања
Рускиот амбасадор во земјава, Сергеј Баздникин денеска не беше меѓу претставниците на дипломатскиот кор во С Македонија на традиционалниот прием и не можеше во живот да ги слушне поентите од обраќањето на домаќинот, претседателот на државата, Стево Пендаровски.
Од кабинетот на шефот на државата, на прашање на „360 степени“, велат дека рускиот амбасадор не бил поканет на традиционалната свеченост поради санкциите што земјава ги има воведено кон Русија поради војната во Украина.
„Рускиот амбасадор не беше поканет со оглед на санкциите воведени по инвазијата на Украина кои се однесуваат и на дипломатските релации со Русија“,
велат од кабинетот на Пендаровски.
Уште еден претставник на дипломатскиот кор не им правеше друштво на своите колеги и не го удостои претседателот со своето присуство, но од сосема други причини.
На свеченоста не дојде амбасадорот на Бугарија во земјава, Англе Англов, кој неодамна беше повлечен во Софија, на консутлации по инциднетот во Охрид, каде пред една недела беше претепан секретарот на бугарскиот клуб „Цар Борис Трети“, Христијан Пендиков – македонски државјанин кој се декларира како Бугарин. Овој инцидент беше повод за ново заладување на односите меѓу двете С Македонија и Бугарија и вжештување на атмосферата и во јавноста и кај политичарите.
Сепак, од амбасадата на Бугарија имало претставник на приемот кај Пендаровски.
„Од амбасадата на Република Бугарија беше присутен Петар Петров, заменик амбасадорот кој сега е вршител на должност поради отсуството на амбасадорот“,
одговорија од кабинетот на Пендаровски на нашите прашања.
Во врска со повлекувањето на амбасадорот Ангелов, Министерството за надворешни работи на Северна Македонија вчера изрази жалење за потегот на Софија и го оцени ваквиот чекор како неоснован, непоткрепен со валидни аргументи и непропорционален.
Во дел од своето обраќање на традиционалниот годишен прием за претставниците на дипломатскиот кор, шефот на државата Стево Пендаровски направи паралела меѓу С Македонија и Украина во однос на непринципиелните напади врз идентитетските параметри со кои изминатиот период се соочува земјава на вербално ниво.
Говорејќи во тој контекст, претседателот на државата истакна оти е важно дали ќе дозволиме историјата да ни се повторува на тој начин што анахрони политички режими ќе управуваат со нашите животи и ќе решаваат за нашата иднина, потенцирајќи дека демократијата мора да надвладее.