Русија оцени дека испраќањето тенкови од Германија во Украина значи нова ескалација на конфликтот

Во очекување и САД да објават дека ќе испратат тенкови во Украина, реакции за германската одлука стигнаа од Русија во кои портпаролката на руското МНР рече дека ова е „потврда дека Западот ја планирал војната“

Берлин ја занемарува својата „историска одговорност кон Русија, што произлегува од нацистичките злосторства за време на Втората светска војна“, реагира руската амбасада во Германија откако германските власти решија да испратат тенкови леопард 2“ во Украина.

Во реакцијата, рускиот амбасадор во Германија, Сергеј Начаев оценува дека одлуката ќе доведе до „ново ниво на ескалација на конфликтот“.

„Оваа исклучително опасна одлука ќе го доведе конфликтот на ново ниво на конфронтација и е во спротивност со изјавите на германските политичари дека Германија не сака да биде вовлечена во него“,

рече Нечаев.

Германската влада одлучи: Ќе испрати 14 тенка „леопард“ во Украина

Реагираше и портпаролката на руското Министерство за надворешни работи, Марија Захарова, која одлуката ја оцени како „потврда дека Западот планирал војна против Русија“.

По Германија, се очекува денеска и американскиот претседател Џо Бајден да објави одлуката на САД за испраќање неколку десетици напредни тенкови „абрамс“ за Украина.

Photo: EPA-EFE/MAXIM SHIPENKOV

Каков е тенкот „леопард 2“, колку е моќен и зошто е толку посакуван