Еден од четирите принципи на кои се согласиле американските и руските претставници е да се формира тим на високо ниво за да се помогне во преговорите и до крајот на конфликтот во Украина да се работи на начин што е издржлив и прифатлив за сите вклучени страни, меѓу кои и Украина и Европа
За време на разговорите во Саудиска Арабија, кои траеја повеќе од четири часа, Соединетите Американски Држави (САД) и Русија постигнаа договор во четири области, изјави американскиот државен секретар Марко Рубио.
Еден од четирите принципи на кои се согласиле американските и руските претставници е да се формира тим на високо ниво за да се помогне во преговорите и до крајот на конфликтот во Украина да се работи на начин што е издржлив и прифатлив за сите вклучени страни, меѓу кои и Украина и Европа.
Претставниците на САД и Русија се согласиле да се обноват дипломатските мисии во Вашингтон и во Москва бидејќи, како што се наведува, потребно е нормално функционирање на дипломатските капацитети.
„…Да почнеме да разговараме, да размислуваме и да ја испитаме геополитичката и економската соработка што би можела да произлезе од крајот на конфликтот во Украина. Ние петмина што бевме овде денес ќе останеме ангажирани во овој процес за да се увериме дека е продуктивен“,
изјави американскиот државен секретар Марко Рубио по состанокот.
Покрај Рубио, на денешните разговори во Саудиска Арабија присуствуваа и американскиот советник за национална безбедност Мајк Валц, специјалниот пратеник на Белата куќа за Блискиот Исток, Стив Виткоф, како и рускиот министер за надворешни работи Сергеј Лавров и помошникот на претседателот Јуриј Ушаков.