Германскиот министер за Европа, Михаел Рот, дава силна поддршка за почнување на пристапните преговори на С Македонија и Албанија со ЕУ. Тој вели дека ЕУ треба да се држи со своите ветувања и да ги започне разговорите со двете земји што поскоро.
„ЕУ мора да се држи до своите ветувања. Ние мора да ги зголемиме нашите обврски. Македонија и Албанија веќе испорачаа, затоа Европската унија мора да испорача сега и веднаш. ЕУ мора да ги почне преговорите со Македонија и Албанија што е можно поскоро“,
рече Михаел Рот пред денешниот состанок на министрите за европски работи на земјите-членки на ЕУ.
„The European Union has to keep its promises. Both #Albania & North #Macedonia have already delivered. That’s why the EU has to deliver right now. We have to start #EUaccession talks with Albania & North Macedonia asap.“ – State Minister @MiRo_SPD ahead of today’s #GAC. 🇪🇺🇲🇰🇦🇱 pic.twitter.com/e9wSoNyLUU
— Germany in the EU (@germanyintheeu) May 11, 2021
Тој додаде дека билатералните прашања треба да се решаваат на билатерално ниво, а не преку ЕУ.
„Јас се надевам дека билатералните прашања може да ги решиме на билатерално ниво, а не да се оди на ЕУ-ниво. Ова е посебна одговорност на 27-те земји членки на ЕУ и Европската унија и Германија се посветени да испорачаат. Време е за тоа, се надевам дека ќе имаме добра и конструктивна расправа“,
додаде Рот.