Во шок сме и не знаеме што се случило, изјави родина на патници кои патувале за Истанбул со агенцијата „Беса транс“.
Тој откако ја добил информацијата заминал за Бугарија, а пред болницата во Софија, каде што се сместени преживеаните, на новинарските екипи им изјави дека седум негови роднини биле со патниците, со четворица од нив се видел во болницата, а за другите чека информации.
За несреќата, како што рече роднината, ги известил еден од патници кои им се јавил телефонски, по што тие веднаш тргнале кон Бугарија.
Во јавноста со изјави излезе и братучед на еден од патниците, кој беше меѓу граѓаните кои дојдоа пред седиштето на „Беса транс“ во Скопје за да добие информации за својот роднина. Тој рече дека се сомневаат оти братучедот е меѓу преживеаните, но нема никакви информации ниту контакт со него. Од агенцијата, како што рече, никој не одговара на повиците и замоли институциите да споделат информации со семејствата.
Во несреќата, според информациите, загинаа најмалку 45 лица, а седум преживеале. До неа дошло кога автобусот удрил во заштитната ограда, по што настанал пожар.