Бензинот еуросупер БС-95, според одлуката на РКЕ, поскапува за половина денар и ќе се продава по цена од 85 денари за еден литар, додека новата цена по која ќе се продава екстра лесното масло за домаќинствата (ЕЛ-1) ќе изнесува 72,5 денари. Како што информираат од Регулаторна, поскапува и мазутот М-1 НС за 0,330 денари и новата цена ќе изнесува 41,409 денари за килограм. Цените на бензинот еуросупер БС-98 и на еуродизел (Д-Е V) остануваат исти кои и натаму ќе се продаваат за 87 денари, односно 74 денари за литар
Од ноќеска на полноќ бензинот еуросупер БС-95 и екстра лесното масло за домаќинствата (ЕЛ-1) ќе се продаваат по нови цени. Според одлуката на Регулаторната комисија за енергетика и водни услуги (РКЕ), еуросупер БС-95 ќе се продава по цена повисока за половина денар од претходната, додека пак за толку ќе поевтини екстра лесното масло за домаќинствата.
Новата цена на БС-95 ќе изнесува 85 денари, а екстра лесното масло за домаќинствата (ЕЛ-1) ќе се продава за 72,5 денари за литар.
Како што информираат од Регулаторна, поскапува и мазутот М-1 НС за 0,330 денари и новата цена ќе изнесува 41,409 денари за килограм.
Цените на бензинот еуросупер БС-98 и на еуродизел (Д-Е V) остануваат исти кои и натаму ќе се продаваат за 87 денари, односно 74 денари за литар.
Со одлуката на Регулаторната комисија за енергетика и водни услуги се врши зголемување на малопродажните цени на нафтените деривати во просек за 0,14 отсто во однос на одлуката од 10 април.
Според РКЕ, референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 0,784 отсто, кај дизелот за 0,639 отсто. Кај екстра лесното масло има намалување за 0,211 отсто, додека кај мазутот се бележи зголемување за 1,245 отсто. Курсот на денарот во однос на доларот во изминатиот период по кој беа формирани цените со претходната пресметка е понизок за 0,164 проценти.