Напоменуваме дека на состојбата на решавање на судските предмети може да има влијание престанокот на судиската функција на четири судии во Виш управен суд Скопје врз основа на исполнување на условот за старосна пензија од јули 2022 година. Судиската функција во текот на 2022 година ја вршат претседател и 13 судии до 30.06.2022 година, а до крајот на годината 9 судии и претседател. Но, состојбата со број на судии во тек на вршење на ревизијата е намалена на седум судии, а на претседателот на Вишиот управен суд Скопје му е истечен мандатот на 08.11.2023 година, пишува во ревизорскиот извештај
За навремено решавање на предметите, постои потреба да се пополнат празните места на судии во Вишиот управен суд Скопје, се наведува во извештајот од направената ревизија на овој суд од страна на Државниот завод за ревизија (ДЗР).
Ревизија констатира дека за периодот 2020 до 2022 година бројот на предмети во работа бележи тренд на опаѓање.
„Напоменуваме дека на состојбата на решавање на судските предмети може да има влијание престанокот на судиската функција на четири судии во Виш управен суд Скопје врз основа на исполнување на условот за старосна пензија од јули 2022 година. Судиската функција во текот на 2022 година ја вршат претседател и 13 судии до 30.06.2022 година, а до крајот на годината 9 судии и претседател. Но, состојбата со број на судии во тек на вршење на ревизијата е намалена на седум судии, а на претседателот на Виш управен суд Скопје му е истечен мандатот на 08.11.2023 година“,
се вели во соопштението од Ревизија.
Во делот Нагласување прашања за неизвесност и континуитет,
Во извештајот ревизијата ја истакнува констатираната состојба во Вишиот управен суд за недобивање мислење од Советот за судската служба по однос на донесен интерен акт – Правилник за внатрешна систематизација и организација на работните места.
„Ревизијата истакнува и дека постои неизвесност која се однесува на претходни години, како и во тековната година, дека не се исполнува законски утврдениот минимален процент за обезбедување средства од 0,8 отсто од бруто домашниот производ за Судскиот буџет. За 2022 година се одобрени 0,29 проценти од законски утврдениот минимум“,
пишува во ревизорскиот извештај.
Според него, во делот на Останати прашања се истакнуваат одредени системски слабости кои се однесуваат на различно уредување на начинот на пресметка на работното искуство со одредбите на Законот за платите на судиите и Законот за судската служба.
Мислењето на ревизијата за финансиските извештаи е дека тие ја прикажуваат вистинито и објективно финансиската состојба на Вишиот управен суд Скопје.