За време на полициска акција биле уапсени 57 лица меѓу кои и девет службеници, од кои петмина полицајци
Властите на Панама објавија дека ја заплениле најголемата сума на пари добиена од шверц со дрога во историјата на земјата. Запленети се 10 милиони долари кои криминалната група поврзана со колумбискиот квартел Клан дел Голфо ги стекнала преку шверц со дрога.
„Ова е најголемата заплена на пари добиени од трговија со дрога во историјата на земјата“,
изјави главниот обвинител на Панама, Хавиер Карабало.
Парите се пронајдени во торби во три скривалишта во куќа во градот Нуева Провиденсија, а во акцијата биле запленети и десет парчиња оружје и 38 луксузни возила. На властите им биле потребни повеќе од 12 часа да ги соберат парите и да ги пребројат со помош на машини за броење, од кои некои се расипале поради обемот на задачата.
За време на полициска акција биле уапсени 57 лица меѓу кои и девет службеници, од кои петмина полицајци, осомничени дека примиле, следеле и сокриле големи количини дрога со потекло од Колумбија, се вели во соопштение од Обвинителството во Панама.