Речиси сите членови на американскиот Генералштаб се во самоизолација, откако вториот човек на Крајбрежната стража е дијагностициран со ковид.
Адмиралот Чарлс Реј, по состанокот на американскиот воен врв во Пентагон, бил тестиран на ковид-19 при што резултатот бил позитивен.
Висок анонимен воен претставник за повеќе медиуми изјавил дека поради ризик речиси целиот состав на Генералштабот бил тестиран на коронавирус, но сите, освен адмиралот Реј, биле негативни и продолжиле со своите должности.
„Освен адмиралот Реј, нема други високи воени претставници кои се заразени со коронавирус. Борбената готовност и подготвеноста на американските вооружени сили се непроменети“,
изјави претставникот на Пентагон, Џонатан Хофман.
Во меѓувреме, Белата куќа соопшти дека зголемениот број заразени со ковид-19 во американската администрација, не го загрозува нејзиното функционирање.