Триесет и осумгодишниот Б.И. од Тетово, сопственик на угостителски објект заработи кривична пријава за непостапување според здравствнеи прописи во време на епидемија.
Како што информира СВР-Тетово, на 12 март во неговиот угостителски објект биле затекнати 40 лица собрани на семејна веселба што е спротивно на мерките за заштита од ширење на коронавирусот.
„На 12 март оваа година, полициски службеници од СВР-Тетово и инспектори од Државниот пазарен инспекторат извршиле контрола во угостителскиот објект, при што констатирале дека има околу 40 гости на семејна веселба со што не биле почитувани мерките и протоколите на Владата за спречивање на ширењето на ковид-19“,
информираат од полицијата.
Тетовската полиција поднела кривична пријава и против М.З.(43), С.К.(37), Ј.К.(36), Љ.Б.(42), И.С.(33), Д.Д.(28), Д.М.(25), Б.Ѓ.(37) и Д.Р.(41), сите од село Сараќино, тетовско, поради непостапување според здравствените приписи за време на епидемија.
За овој случај, како што информира СВР-Тетово на 3 април 2021 година околу 22:40 часот, полициски службеници извршиле контрола во угостителски објект во село Сараќино, сопственост на првопријавениот, при што било констатирано дека објектот работи после пропишаното работно време и дека пријавените лица биле послужени со пијалок.