Претставниците на здруженијата на Бугарите во земјава – политичката партија Граѓанско-демократски сојуз (ГДС), здруженијата Центар за култура „Иван Михаилов“-Битола, „Трибуна“-Прилеп, Македонско бугарско пријателство-Скопје, „Коридор 8“-Скопје, „Интеракција“-Охрид, „Единство“-Кочани истакнале дека ова е историска средба и историски момент
Република Македонија не може да започне преговори за влез во ЕУ и Бугарија нема да попушти сè додека не се реши прашањето за правата на Бугарите, што е европска вредност, изјавил бугарскиот претседател Румен Радев на денешната средба со претставници на здруженијата на Бугарите во земјава, објави БГНЕС.
„Ова е еден од категоричните услови Бугарија ги постави“,
рекол Радев додавајќи дека вистината за репресиите на УДБА мора да се знаат и мора да се знае генезата на процесот на дебугаризација.
„Бугарија не води политика против РСМ, ние сме најпријателските земји. Зошто РСМ веќе 4 години не ги менува текстовите во учебниците, зошто се поттикнува омразата кон Бугарија? Од македонските државници не добивам рационален одговор на овие прашања“,
прашал Радев и додал дека желбата на Бугарија е интегрирање на државите во ЕУ, а не на проблемите.
Радев на средбата, како што пренесува БГНЕС, рекол дека проблемот со Договорот е во историски спорови.
„Правата на вас, живите Бугари, не се појавуваат во овие спорови. Ова го споделувам со европските лидери. Кога почнав да зборувам за Копенхашките критериуми и кршењето на човековите права на Бугарите, тоа го разбраа европските лидери. Кога вие што живеете таму и велите дека ви се прекршени правата, тогаш ова е веќе предизвик за ЕУ, која мора да ги заштити граѓаните на ЕУ“,
додаде Радев и истакна дека фокусот на ветото се Бугарите во РСМ и заштитата на нивните права и запирање на јазикот на омразата.
„Ќе направиме вие Бугарите да се чувствувате како граѓани на РС Македонија“,
рекол Радев.
Претставниците на здруженијата на Бугарите во земјава – политичката партија Граѓанско-демократски сојуз (ГДС), здруженијата Центар за култура „Иван Михаилов“-Битола, „Трибуна“-Прилеп, Македонско бугарско пријателство-Скопје, „Коридор 8“-Скопје, „Интеракција“-Охрид, „Единство“-Кочани истакнале дека ова е историска средба и историски момент.
„Сите овде ќе ги браниме нашите бугарски традиции, никогаш нема да отстапиме од нив. Бугарите во Република Северна Македонија имаат право на самоопределување“,
ја пренесува БГНЕС изјавата на новинарот и публицист Владимир Перев.