Тој ги повика земјите од Западот да ги нормализираат односите со Русија
Рускиот претседател Владимир Путин денеска преку видеопорака се обрати на државните медиуми, во која порача дека нема лоши намери кон соседите, повикувајќи ги да не ја „ескалираат ситуацијата“.
„Би ги советувал и нив да не ја ескалираат ситуацијата, да не наметнуваат никакви ограничувања. Сите свои обврски ги исполнуваме и ќе продолжиме да ги исполнуваме. Не гледаме потреба од заострување на ситуацијата ниту од влошување на нашите односи“,
истакнал Путин.
Зборувајќи за „руската специјална воена интервенција“ која е во тек во Украина, Путин нагласил дека само одговара на „негативните акции од другите земји“.
„Сите наши акции, ако дојде до нив, секогаш настануваат како одговор на некои непријателски акции против Руската Федерација. Мислам дека сите треба да размислуваат како да ги нормализираме односите и нормално да соработуваат“,
нагласи Путин.
Зборувајќи за влијанието на санкциите кои ги воведоа САД и нивните западни сојузници, Путин вети дека Москва ќе ги исполни своите економски обврски кон другите држави.
„Ако некој нема волја да соработува со Русија, тоа нема да не спречи да ги решаваме своите задачи. Ќе победиме бидејќи ќе добиеме нови искуства“,
порача Путин.
Тој ги повика земјите да ги нормализираат односите со Русија.
„Западните земји во голема мерка настојуваат да ја отсчеат нашата држава, преку економски санкции, затворање на воздушни простори и блокирање на пристаништа“,
рече Путин.
Тој потврди дека порано денеска разговарал со белорускиот претседател Александар Лукашенко. Нивниот разговор траел два часа.