Од МВР апелираат да се почитуваат закажаните термини, со цел непречено функционирање на процесот на замена и издавање на личните документи
Пунктовите за фотографирање и издавање лични документи утре и задутре ќе работат со полно работно време, односно закажаните термини за фотографирање и замена на лични документи во Скопје ќе бидат реализирани, информираат од Министерството за внатрешни работи,
„Согласно одлуката на Владата, работното време на сите вработени во државната и јавната администрација на територијата на градот Скопје утре, на 29 ноември (среда), треба да заврши во 12 часот, а 30 ноември (четврток) да биде неработен ден за сите вработени во државната и јавната администрација, на подрачјето на град Скопје, како и за основните и средните училишта на подрачјето на град Скопје, поради одржувањето на 30. министерски состанок на ОБСЕ. Тоа нема да важи за службите за граѓански работи на МВР, кои и двата дена ќе работат редовно, со полно работно време“,
велат од МВР.
Оттаму апелираат да се почитуваат закажаните термини, со цел непречено функционирање на процесот на замена и издавање на личните документи.