Полицијата не знае дали лицето кое пукало е една од жртвите или избегало
Две лица, маж и жена, се убиени денеска во оружен напад во Еспелкамп, град во северозападна Германија, соопшти локалната полиција.
Засега не се соопштени мотивите за нападот.
Полицијата исто така не знае дали лицето кое пукало е една од жртвите или избегало, изјави полициски портпарол за агенцијата Франс Прес.
Во градот во тек е голема полициска акција.
Весникот Билд, повикувајќи се на полициски информации, објави дека најверојатно се работи за лице со ментално растројство кое неконтролирано убива луѓе околу себе.