Според здравствените власти, бројките покажуваат дека ситуацијата е под контрола, а премиерот Еди Рама најави дека се очекува утре Комитетот на експерти да донесе одлука за олеснување на рестрикциите
Првпат по 244 дена, Албанија не регистрираше смртен случај од ковид-19, соопштија албанските здравствени власти.
„Добра вест: Ковид-19, по 244 дена, ниту еден изгубен живот денеска“,
објави министерката за здравство и социјална заштита, Огерта Манастирлиу.
Исто така регистриран е и низок процент на новозаразени. Од 2 691 тестирање направени во последното деноноќие, регистрирани се 15 новозаразени што значи дека 0,5 отсто од тестираните биле позитивни.
Првите случаи со ковид-19 Албанија официјално ги регистрираше на 9 мај лани кај татко и син кои се вратија од патување во Италија. Оттогаш до денес, официјално вкупната бројка на заразени изнесува 132 244 од кои активни во моментов се 819 случаи. Починале вкупно 2 447 лица.
Кога станува збор за вакцинацијата, пак, албанските власти ја започнаа во средината на јануари, вкупниот број на вакцинирани изнесува 736 365 лица од кои 258 606 примиле и втора доза.
Според здравствените власти, бројките покажуваат дека ситуацијата е под контрола, а премиерот Еди Рама најави дека се очекува утре Комитетот на експерти да донесе одлука за олеснување на рестрикциите.