Четириесетина американски војници пристигнаа во Летонија од Италија рано изутринава, што е првата група од, како што се очекува, распоредување на повеќе од 300 војници
Првите американски војници распоредени заради зајакнување на источното крило на НАТО пристигнаа во Летонија, објави американската амбасада во оваа земја.
Четириесетина американски војници пристигнаа во Летонија од Италија рано изутринава, што е првата група од, како што се очекува, распоредување на повеќе од 300 војници.
Војниците, кои ќе бидат сместени во воената база Адази, во непосредна близина на летонскиот главен град Рига, пристигнале нешто по полноќ по локално време, пред да започнат непријателствата во Украина.
„Американски војници пристигна во Летонија утрово. Првите американски сили беа репозиционирани на Балтикот за да ја покажат посветеноста на САД кон сојузниците и да го зајакнат источното крило на НАТО“,
се наведува во информацијата на Твитер.
. @USArmy soldiers from @173rdAbnBde arrived in #Latvia this morning, the first U.S. forces being repositioned to the Baltics to demonstrate U.S. commitment to Allies and bolster #NATO’s eastern flank. DCM Ruta Elvikis welcomed the troops. 🇺🇸🇱🇻#StrongerTogether #WeAreNATO pic.twitter.com/q7DRRkckIF
— U.S. Embassy Riga (@USEmbassyRiga) February 24, 2022
Американскиот претседател Џо Бајден во вторникот најави прераспределување на војниците во Европа. Според американски официјален претставник, кој побарал да остане неименуван, тоа подразбира испраќање на 800 пешадиски војници во балтичкиот регион и до осум борбени авиони Ф-35 на неколку оперативни локации долж источното крило на НАТО.
За денеска е најавено и обраќање на Бајден до нацијата.