Шеесет и осум годишниот Иван од Кочани е првиот пациент со акутна леукемија кај нас кај кој е извршена трансплантација на хематопоетски матични клетки од несроден донор.
Трансплантацијата е извршена на Универзитетската Клиника за хематологија во Скопје.
Несродниот хуман донор на Иван е 21 годишно лице од Германија, кое одлучило несебично да донира матични клетки и да спаси човечки живот.
Како што соопштија од Универзитетската клиника за хематологија Иван воедно е и највозрасниот пациент со акутна леукемија, кој е лекуван со ваков современ тераписки пристап на клиниката.