Во знак на протест против поскапувањето на електричната енергија, голем дел од баровите, рестораните и продавниците на своите излози ги закачија сметките за струја
Главната опозициска партија во Турција денеска ги поддржа протестите во целата земја поради зголемувањето на цените на енергијата за повеќе од 50 отсто од почетокот на годината.
„Струјата е човеково право. Тоа мора да биде достапно“,
изјави за новинарите Али Хикмет Акили, лидер на Републиканската народна партија во Анкара.
Во знак на протест против поскапувањето на електричната енергија, голем дел од баровите, рестораните и продавниците на своите излози ги закачија сметките за струја.
Владата размислува како да го реши проблемот со поскапувањето на електричната енергија, по барањата на работодавачите и невладините организации, изјави денеска турскиот министер за енергетика Фатих Донмез.
Инфлацијата во Турција во јануари изнесуваше 48,69 отсто, што е највисока во последните 20 години, откако цената на струјата, гасот и патарините пораснаа на почетокот на годината, а турската економија веќе со месеци наназад се бори со падот на вредноста на националната валута – лирата, високата невработеност и покачувањето на цените, што, исто така, носи големи оптоварувања за домаќинствата.