Турскиот институт за статистика „Турк стат“ соопшти дека во споредба со декември минатата година, инфлацијата во јануари е зголемена за 11,1 отсто и е резултат на поскапувањето на струјата, природниот гас и патарините
Инфлацијата во Турција во јануари беше 48,69 отсто, што е воедно највисоката стапка на инфлација од средината на 2002 година, непосредно пред доаѓањето на власт на владејачката партија на претседателот Реџеп Таип Ердоган, јави ДПА.
Турскиот институт за статистика „Турк стат“ соопшти дека во споредба со декември минатата година инфлацијата во јануари е зголемена за 11,1 отсто и е резултат на поскапувањето на струјата, природниот гас и патарините.
Производните цени, исто така, значително се зголемени, при што годишната инфлација минатиот месец изнесуваше 93,53 отсто, соопшти „Турк стат“, а транспортот, храната и опремата за домаќинството се меѓу ставките што забележаа најголеми зголемувања од година во година.
Турската економија веќе со месеци наназад се бори со падот на вредноста на националната валута – лирата, високата невработеност и покачувањето на цените, што, исто така, носи големи оптоварувања за домаќинствата.