Демонстрантите упатија две барања: промена на мерките за сузбивање на вирусот во препораки и распишување предвремени избори
Противниците на мерките за сузбивање на ковид-19 вечерва се собраа на плоштадот „Република“ во Љубљана. Протестот започна со критики на Владата, при што се скандираше за оставка, а по два часа дел од присутните запалија факели и почнаа да ги фрлаат кон словенечкиот парламент.
Полицијата одговори со солзавец и водени топови.
Демонстрантите упатија две барања: промена на мерките за сузбивање на вирусот во препораки и распишување предвремени избори.
Пред протестот, организаторите повикаа на мирен собир, но се случи инцидент кога еден од учесниците фрли шише врз еден од полицајците кои го обезбедуваа собирот.
Тогаш демонстрантите запалија факели и почнаа да ги фрлаат кон собраниската зграда. Според Н1- Словенија, на собирот се и навивачките групи на двата најголеми фудбалски клуба во земјата.
Кога толпата се приближи кон собранието и почна да фрла факели, полицијата одговори со солзавец и ја растури групата. Многу демонстранти побегнаа.
Денеска во Словенија стапија во сила заострените мерки против ковид кои предизвикаа големо незадоволство кај невакцинираните. Најголемото незадоволство е кај возачите кои ако немаат ковид-пропусница не можат на наточат гориво во својот автомобил.