Денеска времето во земјава ќе биде променливо облачно со појава на магла и ниска облачност во дел од котлините, информираат од Управата за хидрометеоролошки работи (УХМР). Во утринските часови ќе има појава на локален дожд во западните делови на државата. Во текот на денот ќе дува слаб до умерен ветер од јужен правец.
Минималната температура ќе се движи во интервал од два до шест степени Целзиусови, а максималната ќе достигне од седум до 14 степени.
Во Скопје во утринските часови ќе има услови за слаб дожд, а во текот на денот ќе биде претежно облачно и со појава на магла. Минималната температура во главниот град ќе се спушти до четири , а максималната ќе достигне до 9 степени Целзиусови.
Како што информираат од УХМР, до сабота утринската и дневната температура ќе бидат во пораст. Во дел од котлините се очекува појава на магла или значителна ниска облачност. Врнежи од дожд ќе има во сабота, а од недела синоптичарите најавуваат постудено време.