Според Управата за хидрометеоролошки работи (УХМР), периодот на променливо облачно време со повремени врнежи од дожд ќе продолжи во текот неделава
Денеска времето во земјава ќе биде променливо облачно и потопло со повремени локални врнежи од дожд, информираат од Управата за хидрометеоролошки работи (УХМР). Ќе дува умерен до засилен ветер од јужен правец.
Утринската температура ќе се движи во интервал од пет до 10 Целзиусови степени, а максималната дневна ќе достигне од 13 до 22 степени.
Во Скопје, исто така, се очекува променливо облачно времено, со услови за повремен дожд и умерен ветер од јужен правец. Дневната температура во главниот град ќе се искачи до 22 Целзиусови степени.
Според Управата за хидрометеоролошки работи (УХМР), периодот на променливо облачно време со повремени врнежи од дожд ќе продолжи во текот неделава.
Како што информираат оттаму, поинтензивни процеси се очекуваат од средината на оваа седмица, кога наместа врнежите ќе имаат пороен карактер и ќе бидат проследени со грмежи и силен ветер, кој наместа ќе дува и со брзина од над 60 километри на час. Локално се очекува да наврне поголема количина дожд, наместа и над 20 литри на квадратен метар.