На наплатната станица кај Демир Капија утринава околу шест часот е приведен 22 годишниот И. Б. од Скопје. Како што соопшти МВР, тој не застанал на знакот за запирање, продолжил со движење и со возилото ја скршил рампата на наплатната станица. И. Б. се обидел да избега, но бил фатен и приведен.
“При преглед во возилото „ауди“ со швајцарски национални ознаки, кое го управувал, биле пронајдени 11 лица мигранти од Сирија, од кои дел малолетници. Мигрантите биле спроведени во Прифатно-транзитен центар, а лицето било задржано во полициска станица“
се наведува во соопштението од МВР.
По целосно документирање на случајот, против него ќе биде поднесена соодветна пријава, додава МВР.