Основното јавно обвинителство Струмица спроведува истражна постапка против три лица за кои постои основано сомнение дека сториле кривични дела грабнување и силување.
Се работи за случај од 8 април годинава кога тројца мажи заеднички грабнале девојка со намера да ја присилат на сексуален однос.
„Тие ја пресретнале жртвата на улица, на сила ја внеле во автомобил и се упатиле кон подземна гаража во центарот на Струмица. Таму насилно ја соблекле и еден од осомничените извршил обљуба“,
информира Обвинителството.
По предлог на надлежен јавен обвинител, судија на претходна постапка од Основниот суд Струмица донесе решение со кое на осомничените им определи мерка притвор во траење од 30 дена.