Од нив, 5 850 се преку директни преговори со производителот, а 4 680 се оние кои ЕУ ги обезбедува како помош преку трилатерални договори во рамките на програмата „Тим Јуроп“ (Team Europe)
Уште 10 530 дози од вакцината на производителот „Фајзер” денеска пристигнаа во земјава, објави министерот за здравство Венко Филипче на Фејсбук.
Од нив, 5 850 се преку директни преговори со производителот, а 4 680 се оние кои ЕУ ги обезбедува како помош преку трилатерални договори во рамките на програмата „Тим Јуроп“ (Team Europe).
Оваа програма за поддршка во снабдувањето вакцини за Западен Балкан ја координира Австрија.
Заклучно со сабота на вакциналните пунктови во државата се вакцинирани се вкупно 220 733 граѓани.
Во државата вкупно се аплицирани 259 577 дози вакцини, а ревакцинирани се 38 806 граѓани. Со последните бројки 45,7 % од населението над 70 години имаат примено барем една доза вакцина, 39 % од населението над 65 години е вакцинирано со барем една доза вакцина.
Досега бројот на лица кои изразиле желба за вакцинација преку веб платформата vakcinacija.mk е 398 243 граѓани.