Тоа не е нешто што ме исполнува со задоволство, но и не се срамам, пишува Хари во книгата која ќе биде објавена во вторник на 10 јануари
Британскиот принц Хари во својата автобиографија, која се подготвува, призна дека за време на воена служба во Авганистан убил 25 војници, пренесе медиумскиот сервис „Скај њуз“, повикувајќи се на копија од текстот.
„Секогаш можам да кажам точно колку борци убив. Ми се чинеше дека е пресудно да не се плашиме од таа бројка. Затоа, мојот број е 25. Тоа не е нешто што ме исполнува со задоволство, но и не се срамам“,
пишува Хари во книгата која ќе биде објавена во вторник на 10 јануари.
Автобиографијата го опфаќа животот на принцот Хари од детството до денес, вклучително и неговата посветеност на службата, воената должност што двапати го одведе на линијата на фронтот во Авганистан и неговите искуства како сопруг и татко.