„Полициски службеници од ОВР Прилеп ја лишиле од слобода К. И. (32) од Прилеп поради основи на сомнение за сторено кривично дело предизвикување општа опасност по чл. 288 од КЗ“, велат од МВР
Прилепчанка вчеравечер влегла во угостителски објекти и со шише запалива течност прскала по подот и се заканувала дека ќе го запали објектот, информираат од Министерството за внатрешни работи (МВР).
„Полициски службеници од ОВР Прилеп ја лишиле од слобода К. И. (32) од Прилеп поради основи на сомнение за сторено кривично дело предизвикување општа опасност по чл. 288 од КЗ“,
велат оттаму.
Вчера околу 22 часот во ОВР Прилеп Т. К. (61) од Прилеп, како што пишува во соопштението од МВР, пријавил дека околу 21 и 30 часот во неговиот угостителски објект во Прилеп влегла К. И. и со шише наполнето со запалива течност прскала по подот и се заканувала дека ќе го запали објектот.
„К. И. е приведена во полициска станица Прилеп и по документирање на случајот ќе биде поднесена соодветна пријава“,
соопштија од МВР.