Прилепчанецот, кој на социјалните мрежи ширеше говор на омраза и повика на линч на луѓето сместени во државен карантин во центарот на Битола, доби кривична пријава.
СВР Битола го гони за сторено кривично дело ширење расистички и ксенофобичен материјал по пат на компјутерски систем.
„Пријавениот на 28.3.2020 во 6:51 часот, на својот профил на социјалната мрежа Фејсбук, споделил фотографија од автобуси кои превезувале македонски државјани пристигнати од странство и биле сместени во карантин во хотел во Битола и јавно повикал лицата, кои биле донесени и сместени во хотелот, да бидат запалени и убиени“,
стои во соопштението на МВР.
За случајот претходно информираше и дополнителната заменик-министерка за внатрешни работи Славјанка Петровска која рече дека сама го пријавила.
Поврзани вести:
Револт за првиот државен карантин во Битола – Општината апелира на солидарност