Засега од МВР нема детали, кои ги најавуваат за во текот на денот. Во меѓувреме Алсат објави дека се работи за група што се занимавала со недозволена трговија со наркотични супстанции – наводно, амфетамин кој во земјава влегол преку Меѓународниот аеродром Скопје. Неофицијално, покрај трговци со наркотици, уапсени се и неколкумина полицајци и цариници
Полицијата врши претреси на повеќе локации во Скопје и во Куманово во рамки на големата акција што се спроведува од претпладнево, потврдуваат од МВР.
Засега од Министерството нема детали, кои ги најавуваат за во текот на денот.
Во меѓувреме Алсат објави дека се работи за група што се занимавала со недозволена трговија со наркотични супстанции. Наводно, станува збор за амфетамин кој во земјава влегол преку Меѓународниот аеродром Скопје. Неофицијално, покрај трговци со наркотици, уапсени се и неколкумина полицајци и цариници.
Алсат објави и видео снимено на една од локациите каде што се врши претрес.
Оваа голема полициска акција утрово започна во населбата Диво Насеље во Куманово, потоа продолжи со претреси и во Скопје.