Нестабилно време со пороен дожд, грмежи, засилен ветер и услови за појава на невреме за попладне се најавени и во делови на Скопската Котлина
Сончево со мала до умерена облачност – вакво време најавува Управата за хидрометеоролошки работи (УХМР) за денеска. Во попладневните и вечерните часови на повеќе места во земјата ќе биде нестабилно, локално во фрома на невреме со пороен дожд, грмежи, силен ветер и град.
Минималните температури ќе се движат во интервал од 13 до 21, додека максималните ќе се искачат од 27 до 36 Целзиусови степени. УВ-индексот ќе има вредност 7.
Времето во Скопје ќе биде сончево и до умерено облачно. Попладне и во вечерните часови во делови од котлината ќе биде нестабилно со пороен дожд, грмежи, засилен ветер и услови за појава на невреме. Температурите ќе се движат во интервал од минимални 20 до максимални 35 степени.
За утре УХМР најавува променливо облачно време со локална нестабилност проследена со пороен дожд, грмежи и засилен ветер.